Umutoza wa Gorilla FC, Kirasa Alain yarokotse impanuka ikomeye yabereye i Nyamirambo ahazwi nko kwa Mutwe.

Iyi mpanuka yabaye mu ijoro ryo ku wa Gatanu, tariki ya 23 Ukwakira 2026 mu ma Saa yine n’igice z’ijoro ubwo uyu mutoza yari atashye.

Alain Kirasa ubwo yarimo amanuka umuhanda w’amabuye wo kwa Mutwe, yitambitswe n’umumotari ubwo yageragezaga kumukatira, nibwo imodoka ye yahitaga yiyubika.

Ku bw’amahirwe nta buzima bw’umuntu uwo ari we wese bwatwaye, ndetse na Kirasa yavuyemo ari muzima.

Akoze impanuka mu gihe uyu munsi, Gorilla FC iri bukine na Amagaju FC mu mukino w’umunsi wa gatandatu wa Shampiyona y’icyiciro cya mbere mu Rwanda umwaka w’imikino wa 2026-27, ni umukino uri bubere kuri Kigali Pelé Stadium.

Ni uku imodoka yiyubitse

Alain Kirasa yakoze impanuka ikomeye